Rozenn
ROZENN
A-dreñv an enez
betek penn an aber
e tarzh ar gened
da goulz an evned
e dour distrad
da zaoulagad.
Soñj o deus c'hoazh
ma daoulagad skuizh
eus sklêrijenn da sell
pa domme da frond
ma fenn baleant.
Ur vlevenn alaouret
kaset gant an avel
o fouetañ ma dremm
pa floure da gorf
ma muzelloù naoniek.
Plac'h diwalc'h,
Gwenva hor sioulder
en em stalie didrouz
eurvezhioù 'pad
da goulz an dichal.
Krenañ a rae ma bizied
war kevrinoù da gorf
a blac'h an huñvre.
Ha tarnijal a rae da wregelezh
en-dro da'm fronelloù.
Ur vlevenn alaouret
hag ar stêr o koeñviñ
gant ar chal er ria.
A-dreñv an enez
emañ hor c'hevrin.
Pa rede ma bizied
e parkeier da groc'hen
pa furche ma dorn
e koadeg aour da vlev
ma spered mezvet
gant da frond dispar
a blave
a-zioc'h evned an aber.
Padrig 95
Publicité