Moger Berlin
BERLIN
Didostait kozh ha yaouank
botoù-lêr ha treid er fank
Setu ar c'helou nevez
kouezhet eo moger ar vezh.
Tantadoù bras an daou du
a zo bremañ mesket o ludu
Gant Sacha ha Veronika
Sergei pe Petrouchka.
Daeroù tomm ar gwir trec'h
a red etre o divrec'h
Kresket eo ar frankiz
ar c'hoarzhiñ 'zo diouzh ar c'hiz.
Didostait ouzh hon touez
rak echu eo an dienez.
Setu ar c'helou nevez
kouezhet eo moger ar vezh.
Kerzu 95
Publicité