Ho kervel a rin
Ho kervel a rin
Ha mont a rin da huchal ha da youc’hal en noz,
Un noz ken hir ma kreno pell an Douar
Huchadennoù ken kir ha poan ar re baour
' re dilezet war harzhoù ur Bed hon eus savet
' re lazhet e anv ur wirionez embannet evidomp
Bugale ar brezel o c'halon leun a gasoni, kollet.
Ha gervel a rin an holl anezho, holl a-gevret
Milionoù ha milionoù a glemmganoù disoñjet
Dre ma fell deomp kousket en peoc’h bemnoz
Dre ma rank ar galloudoù derc’hel gant o foz
Dre ma rank ar Bed-mañ mont d’an traoñ en diwezh
Daoust ha paper a-walc’h a vo ‘vit disammañ ar vezh ?
Indianed, Re zu an disoñj, pobloù ar Reter pellañ,
Merc’hed Arjentina, peizanted Bro-India ha Sina,
Tud an aluzenn e banlev Kairo, kantreerien ar Sahara
Anna, Veronika ha Sacha, gwerzhet deomp evit un dornad
Tud Ramalah ha Chatila, Darfourioù an ankounac’haat
Ha re hor riblennoù-straed, tud dizesk ha dibaper hon Trepas.
Hag ez aimp holl a-gevred da huchal deiz ha noz
Dirak tud ar yalc’hadoù euzhus ha bouzar a youl vat
Betek ar follentez, betek distruj o zreuzc’halloudoù
Betel Trec’h ar wirionez hirgortozet, a vo antronoz