Fest-noz 'ti Anjela Anjela Duval

Fest-noz ’ti Anjela

Kemer ’rin an holl c’herioù

a garez

a c’han eus an douar

a hadez

Evel greunennoù gwinizh

evit reiñ deomp an hañv…

Kemer ’rin deil-bleuñv da varzhonegoù

o reiñ a rin d’an avel

reder-bro

Ma’z aint da skuilh o frond

e kalon an harluidi…

Kemer ’rin da selloù

da sioulañsoù

a zeu dit eus ar gwez

o bezañs

Hag ez in da gomz dezho

eus nozvezhioù an oaled

Emañ fest-noz war-dro

da zaoulagad

ar gouel eo a lintr ha karantez

Dremm a skeud hag a sklêrijenn

poanioù ha douster ar maezioù

Anjela Duval

1976